Komisioni i Ankesave dhe Sanksioneve ka rrëzuar ankimimin e Partisë Socialiste duke i hapur rrugë regjistrimit në zgjedhjet të kandidatit të pavarur, Gjergji Mërkuri.
Vendimi u mor unanimisht nga të 5 anëtarët e KAS, që arsyetuan se kërkesa e PS nuk mbronte asnjë interes publik apo ligjor.
Gjergji Mërkuri bëri një kallëzim penal ndaj kryetarit të degës së PS në Sarandë, Eleron Gjoni, për pengim të garimit në zgjedhje.
Mërkuri paraqiti në prokurori prova për kërcënime ndaj firmëtarëve që i dhanë mbështetjen për të garuar.
Gjergj Mërkuri ka mbajtur më herët postin e kryetarit të Partisë Socialiste në Sarandë, ndërsa ka vendosur të kandidojë si i pavarur në zgjedhjet lokale të 14 majit përballë Ardit Cikulit dhe Oltion Çaçit.
j.l./ dita