Zhvillohet ceremonia e ngritje së flamurit në Vlorë, me rastin e 111 vjetorit të Pavarësisë së Shqipërisë.
Kryeministri Edi Rama, Presidenti Bajram Begaj, Lindita Nikolla, kryeministri i Kosovës Albin Kurti, së bashku me zyrtarë të tjerë ndodhen në Vlorë.
Pas ceremonisë së ngritjes simbolike të flamurit, krerët e shtetit shqiptar bashkë me kryeministrin e Kosovës Albin Kurti kanë vendosur edhe kurora me lule në memorialin e Ismail Qemalit.
Më 28 Nëntor 1912, Ismail Qemali ngriti flamurin në Vlorë duke shpallur Shqipërinë shtet sovran dhe të pavarur.
