Kanë mbetur edhe më pak se dy javë nga 14 Maji, dita kur do të mbahen zgjedhjet lokale dhe qytetarët do të zgjedhin drejtuesit e rinj të qyteteve të tyre.
Por, gjatë kësaj kohe ka patur mjaft ankesa nga qytetarët se qendra e tyre e votimit ka ndryshuar. Për të qetësuar qytetarët, komisioneri Ilirjan Celibashi ka sqaruar se për shumicën e rasteve, bëhet fjale për për një spostim të thjeshtë, nga njëri kat i godinës në tjetrin, pra nuk ka ndryshim të godinës ku votohet.
“Bazuar mbi këtë diskutim, ajo që ka rezultuar në këto ndryshime, lidhen me faktin që brenda të njëjtës qendër votimi (godinë) ndryshimet janë që një votues deri dje ka votuar në fraksionin 1, do të kalojë në fraksionin 2. Pra, nëse kanë votuar në katin e parë, do të kalojnë në katin e dytë”,-deklaroi Celibashi.
Por, qendrën tuaj të votimit mund ta verifikoni fare thjesht në faqen e Komisionit Qendror të Zgjedhjeve. Mjafton të vendosni, emrin, atësinë dhe mbiemrin dhe do të dalin të gjithë të dhënat tuaja si: adresa e qendës së votimit, numri rendor në listë dhe numri zgjedhor.
Për të verifikuar qendrën tuaj të votimit mund të klikoni KËTU.
j.l./ dita
