Kuvendi do të mblidhet sot për një seancë plenare 24 orarëshe.
Sot do të zhvillohet përballja e Opozitës me kryeministrin Edi Rama për dosjen e ish-agjentit të FBI-së Charles McGonigal.
Por opozita nuk do të jetë e plotë. Kjo pasi në Kuvend do të mungojnë 4 deputetë, Edmond Spaho, Elda Hoti, Sorina Koti dhe Oerd Bylykbashi që u përjashtuan për 10 ditë nga Kuvendi pas përplasjeve të forta në seancën e 16 shkurtit.
Prezent do të jetë vetëm kryedemokrati Sali Berisha, por ai dhe deputetët që nuk janë pjesë e grupit parlamentar të PD-së do të kenë vetëm 10 minuta kohë secili për të folur.
750 minuta do të jenë në dispozicion për maxhorancën, 350 për të gjithë deputetët që janë pjesë e grupit parlamntar të Partisë Demokratike.
Grupet e tjera parlamentare do të kenë përkatësisht: Aleanca për ndryshim 70 minuta, Drejtësi dhe Integrim 80 minuta, Partia e Lirisë 30 minuta, si dhe 30 minuta për deputetët e Partisë Socialdemokrate.
j.l./ dita
