Aborti, është një fenomen që ka ardhur në rënie 5 vitet e fundit. Vetëm 2% e tyre sipas mjekëve obstetër-gjinekolog, pasohen nga komplikacione, por për psikologët të gjitha abortet shoqërohen me trauma dhe probleme të shëndetit mendor.
“Abortet janë 3 kategori, vullnetar, spontan dhe mjekësor, kur embrioni ka një problem apo nëna. Në vendin tonë ka një prirje që aborti të pakësohet,” – u shpreh mjeku Maksim Gjoni.
Edhe pse arsyet që çojnë në abort janë të ndryshme, për psikologët trauma e tij lë gjurmë për gjithë jetën.
“Është përvojë e rëndësishme që lë gjurmë, pasoja në disa aspekte dhe pasoja në shëndetin mendor,” – u shpreh psikologia Entela Binjaku.
Sipas të dhënave zyrtare të Institutit të Shëndetit Publik abortet kanë pësuar rënie të vazhdueshme nga 5279 aborte në vitin 2017 në 4463 aborte në vitin 2021. Në 66% të rasteve janë grupmosha 20-34 vjeç që kryejnë ndërprerje të shtatzënisë.
o.j/dita
