Në një ceremoni të zhvilluar sot, 7 sportistët elitarë janë dekoruar me gradën më të lartë në Forcave të Armatosura, atë të “Kolonelit të Forcave të Armatosura të Republikës së Shqipërisë”.
Sportistët ngritën flamurin shqiptar më lartë se të gjithë flamujt e tjerë të botës, duke dalë fitues në garat e tyre ndërkombëtare. Këta kampionë olimpikë, botërorë e europianë prej sot i përkasin për tërë jetën Forcave të Armatosura të Shqipërisë.
Gjatë dekorimit të sportistëve elitarë, ministri i Mbrojtjes Niko Peleshi bëri me dije se ata do përfitojnë edhe pagën e kolonelit deri në daljen në pension.
“Sot është një ditë e veçantë, ceremoni e pazakontë. Sot FA i bashkohet elita kombëtare e sportit shqiptar. Sot po kremtojnë gradën më të lartë, kolonel i FA. Ka një të përbashkët ndërmjet sportistëve elitarë, misionit të tyre dhe ushtarakëve të FA, kjo pikë është flamuri i Shqipërisë ka një zjarr të njëjtë në zemrat e ushtarakëve dhe sportistë, ky zjarr është dashuria për Shqipërinë. Kjo na bashkon sot këtu.
Me flamurin e Shqipërisë kanë arritur rezultatet më të lart kudo në botë. I shtojmë pagën e kolonelit deri në ditën e daljes në pension. Të jesh ushtarak i lartë në FA është nderi më i madh që mund të të japë vendi yt dhe gjurma më e fortë që lë. Nuk përfitojnë vetëm ushtarakët dhe sportistët, por gjithë FA”, deklaroi ministri Peleshi.
Emrat\7 sportistët elitarë që morën gradën e Kolonel të Forcave të Armatosura:
Luiza Gega -Kampione Europe në atletikë
Briken Calja -Kampion në peshëngritje
Majlinda Kelmendi -Kampione Olimpike xhudo
Erkand Qerimaj -Kampion Europe në peshëngritje
Alban Beqiri -Kampion Ballkani në boks
Distria Krasniqi -Kampione xhudo
Nora Gjakova -Kampione xhudo
p.k\dita
