Parlamenti ka votuar me 77 vota kundër kërkesën PD për të hequr nga rendi ditës zgjedhjen e Avokatit të Popullit.
Opozita votoi me 30 vota pro ndërsa pati 1 abstenim.
“Votimi është i hapur dhe me karton. Kush është pro iu lutem, numëroni votat pro. 30 vota pro. Kush është kundër? 77 vota kundër. Abstenim, 1 abstenim. Me 77 vota kundër, 30 pro dhe 1 abstenim, kërkesa nuk miratohet”, tha Peleshi.
Deputetët e opozitës u shprehën se i kanë tërhequr firmat për kandidatët dhe kërkuan anulimin e procesit. Berisha është shprehur se ata po zbatojnë vendimin e Komisionit të ligjeve dhe prandaj tërhoqën firmat për kandidatë.
Sipas tij po shkelmohet vendimin e Komisionit të Ligjeve për të grabitur Avokatin e Popullit. 6 janë kandidatët të cilët sot do të hidhen në votim në Kuvend, Endri Shabani, Adriana Kalaja, Besim Ndregjoni, Aranita Braho, Skënder Haluci dhe Tartar Bazaj.
j.l./ dita
