Ish-kryetari i Komisionit Qendror të Zgjedhjeve, Kristaq Kume gjatë një interviste televizive thotë se, KAS mund të ndërmarrë një zgjidhje tjetër për situatën e krijuar, pas mosregjistrimit të dy grupimeve brenda PD nga ana e KQZ.
Kume thotë se KAS është e përbërë nga anëtarë politikë dhe që mund të shkojë drejt regjistrimit të PD së Bashës në këto zgjedhje, duke pasur bekimin dhe të mazhorancës.
“Po qe se do t’i referohemi deklaratës së zotit Rama, i cili tha se “do të marrin pjesë si Çeçua në zgjedhje”, mund të ndodhë që të merret një vendim ndryshe nga ajo që ka marrë Celibashi. Nëse Celibashi është atje si rezultat i vullnetit të shprehur të të gjithë forcave politike dhe si rezultat i kërkesës së tij vetjake, anëtarët e KAS janë aty si vullnet i partive politike.
Krijimi i strukturave të KQZ, pas ndryshimeve që u bënë në mënyrën e konceptimit të ndërtimit të komisionit, për t’u zbatuar në Kodin Zgjedhor u vendosën dispozita kalimtare që bën që zgjedhja e anëtarëve të komisioneve të ndahet në bazë të partive politike. KAS është i lexueshëm shumë thjesht. Ai mund të bëjë që PD me kryetar Lulzim Bashën të jetë subjekt zgjedhor”, tha Kume.
m.b./dita
