Tërmetet e forta që goditën Turqinë dhe Sirinë më 6 shkurt kanë rikthyer frikën tek qytetarët shqiptarë për përsëritjen e një situate edhe tek ne.
Por deputetja Luljeta Bozo, profesioniste në fushën e ndërtimit në një intervistë televizive ka shpjeguar se nga të dhënat historike, tërmeti maksimal që mund të ketë ndodhur në vendin tonë është 7-7.1 i shkallës Rihter.
Sipas Bozos, zonat më të rrezikuara janë përgjatë bregdetit Adriatiko-Jonian.
“Nga të dhënat historike, tërmeti maksimal që mund të ketë ndodhur ka shkuar 7-7.1. Harta sizmologjike duhet ndryshuar.
Zonat më të rrezikuara janë përgjatë bregdetit Adriatiko-Jonian. Aty ka çarje tektonike. Korja është e dobësuar. Kjo është çarja më e madhe. Ne jemi në zonën e Adriatikut. Kemi tjetër natyrë. Ne jemi në një zonë që mbizotërojnë termete të cekëta”.
m.b./dita
