Kreu i Partisë Agrare Ambientaliste, Agron Duka ishte i ftuari i radhës në podcastin e Ilir Demaliajt, “N’xhiro me Syçin”.
Në një bisedë të hapur dhe reflektuese, Duka ndau rrugëtimin e tij politik duke filluar nga vitet e para si deputet i pavarur i mbështetur nga Partia Socialiste, deri tek udhëheqja e partisë së tij dhe aleanca aktuale me opozitën.
Ai tregoi se, ndonëse në fillim u perceptua si pjesë e së majtës për shkak të bashkëpunimit me PS-në dhe rolit të tij si ministër i Bujqësisë, që nga drejtimi i Partisë Agrare Ambientaliste në vitin 2016, ka qëndruar në opozitë, krah Partisë Demokratike.
Duka ndalet edhe në konceptet ideologjike të majtës dhe të djathtës në Shqipëri, duke vënë në dukje paradokset që ekzistojnë sot: një qeveri që vetëshpallet e majtë, por që sipas tij, favorizon grupe të vogla të pasura në kurriz të shtresave të gjera.
Me një gjuhë të thjeshtë, Duka sjell një analizë të sinqertë të realitetit politik shqiptar, duke nënvizuar nevojën për politika që të mbështesin masën dhe jo vetëm interesat individuale.
j.l./ dita
