Akademia e Albanologjisë do riorganizohet.
Vendimi u mor sot në mbledhjen e Këshillit të Ministrave ndërsa u njoftua nga ministrja e Arsimit, Evis Kushi.
“Kjo akademi të riorganizohet për t’u përputhur me kriteret ligjore, të ligjit për arsmin e lartë. Akadamia nuk arriti asnjëherë të organizohet në respekt të këtij ligji. Janë konstatuar një sërë problematikash, madje edhe shkelje të rënda ligjore. Nuk ka patur asnjë fakultet që është detyrimi i parë ligjor, dhe në asnjë prej njësive të saj nuk ka mësimdhënie, që e bën të pamundur të vijojë të funksionojë.
Është e paakredituar, ndërkohë që institucionet e tjera të arsimit të lartë po akreditohen për herë të dytë e të tretë. Ndërkohë që para disa vitesh ka lëshuar diploma, pra një shkelje tjetër e rëndë ligjore. Nga ana tjetër ka 8 vite që ASA nuk regjistron asnjë student. Ka një sërë argumentash që e bëjnë të pamundur ekzistencën e ASA-s si një institucion të Arsimit të Lartë.
Ne kemi një vendim ku shkeljet dhe parregullsitë janë të mëdha kështu që ne sot me vendim të Këshillit të Ministrave po e riorganizojmë këtë Akademi duke i riorganizuar institutet e saj pranë Akademisë së Shkencave. Personeli dhe të gjitha transferohen tek Akademia e Shkencave”, tha Kushi.
“Qëllimi ynë nuk është që të nxjerrin fajtore dhe ato të mbajnë përgjegjësi,. Ne duam që Albanologjia jo vetëm të vijë në ligjshmëri, por të zë vendin që i takon dhe të ngrihet në nivel të ri. Ky nivel i ri është Akademia e Shkencave të Shqipërisë. Nuk kemi qëllim që fajtorët t’i vëmë para përgjegjësisë. Edhe ata që kundërshtojnë sot, mendoj se nesër do jemi të gjithë bashkë për të bërë më të mirën për albanologjinë shqiptare”, tha Kushi.
j.l./ dita
