Një oqean i ri pritet të krijohet në Tokë dhe të ndajë kontinentin e Afrikës pothuajse më dysh. Dukuria gjeologjike pritet të ndodhë në të ardhmen e afërt sipas shkencëtarëve dhe gjeologëve.
“Është i vetmi vend në Tokë ku mund të ndodhë dhe ku mund ta shohësh se si krijohet një oqean i ri dhe ta studiosh procesin”, tha Christopher Moore, student i diplomuar me doktoraturë në Universitetin e Leeds, siç raporton “The Economic Times”. “Mund ta shohim këtë kreshtë oqeanike të krijuar”, shtoi ai.
Kjo çarje e konsiderueshme e tokës është krijuar në shkretëtirën e Etiopisë lindore, duke krijuar mundësi që vende si Kenia dhe Uganda të ndahen nga një oqean i ri. Kjo çarje është e gjatë 35 milje, është quajtur ndarja e Afrikës Lindore dhe ka nisur të krijohet që nga viti 2005.
- Publicitet -
Çarja vjen nga Gjiri i Adenit dhe Deti i Kuq e më tej derdhet mbi rajonin e Afarit në Afrikën Lindore. Ken Macdonald, një gjeofizikant i Marinës dhe profesor në Universitetin e Kalifornisë shprehet:
“Na duhet të marrim masa të mëdha për të kuptuar sensin e asaj që po ndodh”. Por shumica besojnë se ky fenomen gjeologjik vjen për shkak të proceseve tektonike të vazhdueshme të tokës ndër vite, si dhe faktorëve atmosferikë, shkruan “Times”.
Kjo bëhet më e kuptueshme për shkak se çarja ndodhet pikërisht në kufijtë e tre zonave tektonike të evidentuara nga sizmiologët. Ato janë; pllaka tektonike e Somalisë, pllaka Nubiane dhe ajo e Arabisë, të cilat shkëputen nga pak milimetra nga njëra-tjetra vit pas viti, nënvizoi “The Jerusalem Post”.
Sipas gjeofizikantes të Universitetit të Nju Orlins, Cynthia Ebinger, kjo çarje ka ndodhur në një zonë që njihet për temperaturat e larta dhe thatësirën që e nxit edhe më shumë procesin sot dhe në të ardhmen.
a.k. / dita
