I pyetur për vazhdimin e betejës politike pas 14 majit, kryetari i komanduar i Partisë Demokratike Enkelejd Alibeaj thotë se kjo do të ndodhe edhe nëse dalin me rezultat negativ në zgjedhjet vendore të 14 Majit.
I ftuar në emisionin Opinion në Tv Klan, Alibeaj tha se në spektrin politik duhet të ketë patjetër një formacion të djathtë.
” Do vazhdojë PD. E di pse? Sepse nuk mund të rrijë spektri politik shqiptar pa një formacion të djathtë. Sepse nuk mund të shndërrohet PD në një lëvizje anti-amerikane. S’mund të jetë një parti që të mos mbrojë ato që janë baza e vetë.
Deri në datën 3 Mars ne ishim në ato tratativat tona për të dalë me 61 kandidatë duke u bërë thirrje edhe kandidatëve të Primares me një kusht t vogël, për të dalë nën logon e PD. Dhe besoj që kjo është lëvizje e matur dhe e pjekur politike.
Kur u bë ndarja e madhe, e bëri Sali berisha që shkoi te Ilir Meta, bëmë këtë gjë, një zgjedhje anormale në një situatë anormale, e shpërndamë përgjegjësinë. Ne nxorrëm përfaqësuesin tonë në Tiranë dhe aty është mundësia e mirë. Unë e pranoj që nuk i nxorrën dot në të gjitha për këto arsye, jo që nuk i kishim, sepse ishte një gjest që e shpërndamë përgjegjësinë”, tha Alibeaj.
m.b./dita
