Kryetari i Partisë Demokratike, Enkelejd Alibeaj, ndër të tjera ka kërkuar që grupimi i Rithemelimit të lirojë selinë e demokratëve, pasi pas vendimit të Apelit, këto ambiente i përkasin PD-së së vërtetë. Ai i drejtoi dhe një mesazh kreut të këtij grupimi, Sali Berishës, duke i kujtuar se një gjë të tillë bëri dhe PD më 25 mars.
“Zyrat e reja, të përkohshme përgjatë fushatës, në ka skena të shëmtuara që nuk na bëjnë nder asnjërit nga grupim, janë ato të 8 janarit. Unë kam këtë qëndrim. Me daljen e vendimit të Apelit të mundet të kërkohen zyrat që ligjërisht i takonin PD-së të merreshin mbrapa. Unë kam marrë dhe kam gjetur mbështetje në këtë propozim, por unë nuk jam nga ata që t’i çojë demokratët në përplasje, nuk i çoj njerëzit në konflikt.
Unë nuk kam në plan të kruaj me gisht mbi plagë që janë duke u mbyllur ose ndoshta nuk mbyllen kurrë. Unë besoj tek ligji dhe kur gjykata të jap vendimin, atëherë selia do ti takojë PD-së së vërtetë. Ato zyra dhe seli do duhet të lirohen, siç bëra me 25 mars, edhe pse vendimi i gjykatës së shkallës së parë nuk ishte definitiv. Në respekt edhe të ligjit u larguam, tashmë pretendojmë që ato zyra të lirohen“– u shpreh Alibeaj.
m.b./dita
