Nga festa për ditëlindjen e Mbretit Karli i Tretë, ambasadori i Britanisë së Madhe në Tiranë tregoi edhe njëherë se marrëdhënia mes dy vendeve është e rëndësishme.
Duke treguar bisedën që kishte me Mbretin vetëm një javë më parë, King Smith, tha se marrëdhënia mes dy vendeve vetëm përmirësohet.
“Kur u takova me Madhërinë e tij javën e kaluar në Londër, për një audiencë zyrtare, ne diskutuam se sa e rëndësishme është Shqipëria për Mbretërinë e Bashkuar dhe për të gjithë Europën. Mbreti ynë është qartësisht i vetëdijshëm për trashëgiminë tuaj dhe parqet e bukura kombëtare që ju keni, në të gjithë vendin. Ne jemi sot këtu për të shënuar një moment të veçantë për Mbretin Charles. Por ky event ka të bëjë me forcimin e marrëdhënieve mes Mbretërisë së Bashkuar dhe Shqipërisë dhe lidhjes mes dy popujve tanë. Kjo shkon pas në shekuj, dhe ato janë vazhdimisht në evoluim dhe përmirësim”, u shpreh ambasadori Alastair King-Smith.
Duke prekur plagën e emigrimit me gomone drejt Anglisë, teksa bëri thirrje që ky fenomen të ndalet deklaroi se po investojnë në Shqipëri që të rinjtë të gjejnë mundësi për të jetuar në vendin e tyre.
“Jam thellësisht i shqetësuar për shumë të rinj që mund të udhëtojnë në mënyrë të paligjshme drejt Mbretërisë së Bashkuar përmes Kanalit, këtë verë. Ju bëj thirrje ju dhe kujto në Shqipëri- nëse është diçka që mund të bëni personalisht, ju lutem, inkurajojini shqiptarët të udhëtojnë në mënyrë të ligjshme, dhe të mos ndikohen nga videot në Tik-Tok dhe të mos shkatërrojnë jetën e tyre”, theksoi Alastair King-Smith.
Pas fjalës së ambasadorit, të pranishmit trokitën gotat dhe uruan jetë të gjatë Mbretit të Britanisë së Madhe.
j.l./ dita
