Ambasadori i Delegacionit të Bashkimit Europian në Tiranë, Silvio Gonzato ka theksuar sot se bashkëpunimi me Bashkinë e Tiranës po vijon me shumë projekte dhe punë të rëndësishme.
“Ne do të vijojmë punën me Bashkinë e Tiranës sepse po bëjmë punë shumë të rëndësishme si transporti i gjelbër, do përurojmë dhe disa shkolla sepse kjo është pjesë e punë tonë. Jam këtu për të ndihmuar Shqipërinë dhe që qytetarët shqiptarë të bëhen shtetas të BE ky është objektivi im dhe jam i fokusuar në punën time”, theksoi ai.
Gonzato u shpreh se BE-ja ka besim te puna e SPAK. “Gjithmonë do të dëgjoni prej meje se unë mbështes profesionalizmin e SPAK dhe rëndësinë që ka puna e këtij institucioni. SPAK po bën punën e vetë. Kam besim të plotë te ata dhe ata kanë në dorë punën që po bëjnë”, deklaroi ai.
