Ambasadorja greke në Tiranë, Kostantina Kamitsi, ka deklaruar se në synimet e saj kryesore gjatë misionit në Shqipëri, janë nxitja e shkëmbimeve tregtare mes dy vendeve, si edhe shtimi i investimeve në Shqipëri. Sipas saj, Shqipëria si një vend në zhvillim, ngjall shumë interes për investime.
“Një nga synimet e mia kryesore do të jetë nxitja e rritjes së shkëmbimeve tregtare mes dy vendeve dhe rritja e investimeve greke në Shqipëri.
Shqipëria e cila është në zhvillim dhe do vazhdojë të jetë në një trajektore zhvillimi, për shkak të perspektivës evropiane, përbën një fushë të njohur veprimtarie për biznesmenët grekë dhe prespektivën e anëtarësimit të vendit tuaj në BE, për të cilën Greqia ka punuar dhe do vazhdojë të punojë.
Ngjall interesin për investime. Njohuritë teknike të Greqisë për shfrytëzimin dhe për thithjen e fondeve të paranëtarësimit janë veçanërisht të rëndësishme”,-tha ambasadorja Kamitsi në një intervistë televizive.
m.b./dita
