Gjatë prezantimit të projektit “Ngritja e kapaciteteve për nëpunësit civilë” ku do të marrin pjesë 25 punonjës, ambasadorja Bashkimit Europian në Tiranë, Christiane Hohmann vuri theksin te reforma në administratë për integrimin e Shqipërisë në BE.
Sipas saj, udhërrëfyesi për reformën në administratën publike është parakusht që të nisin negociatat në kapituj, piketat hapëse të negociatave në kapituj.
Ambasadorja sqaroi se gjatë këtij viti, do të jenë vetëm 25 punonjës që do të jenë pjesë e programit, për fuqizimin e administratës, ndërsa e konsideroi si një investim spektakolar.
“Është pjesë e programeve për përmirësimin dhe fuqizimin e kapaciteteve. Ne kemi identifikuar disa fusha ku ka nevojë Shqipëria, për ta bërë atë që të arrijnë standardet e BE-së. Fuqizimi i kapaciteteve është shumë i rëndësishëm. 12 orë pas përurimit të mozaikut, jemi këtu për të lançuar këtë projekt.
25 nëpunës të rinj civil do te këtë mundësinë të marrin pjesë në këtë program. Me anë të trajnimeve, shkëmbimeve, te stazheve, ata do kuptojnë si është administrata publike në shtetet anëtare, si funksionojnë ato, si janë të strukturuara.
Por gjithashtu, ky proces si është i organizuar në shtete anëtare të BE, si mund të vazhdosh një karrierë në administratën publike në vendet anëtare të BE-së.
Kjo për arsye sepse në rast se Shqipëria dëshiron të jetë në standardet e duhura për BE duhet të ketë një shtyllë kurrizore që funksionon mirë, dhje kjo jeni ju, nëpunësit civilë të cilët jeni të rëndësishëm për të krijuar dhe përmirësuar kapacitetet tuaja për të arritur Shqipëria në BE.
Ne duhet të vijomë për të siguruar procesin e duhur të rekrutimit në sektorin publik që të jetë i bazuar në aftësitë tuaja, njohuritë tuaj, një shërbim publik transparent dhe me integritet.
Jemi në hapat e parë të negociatave dhe administrata publike është pjesë e grup-kapitujve nr.,1 që kanë të bëjnë me sundimin e ligjit, funksionimin demokratik të shtetit. Udhërrëfyesi për reformën në administratën publike është parakusht që të nisin negociatat në kapituj, piketat hapëse të negociatave në kapituj”, tha Hohmann.
Ambasadorja u shpreh aplikimi do të jetë i hapur deri në 6 qershor, ndërsa theksoi se shumë shpejt Shqipëria do të bëhet shtet anëtar i Bashkimit Europian.
“Varen shumë gjëra nga administrata publike dhe prandaj është shumë e rëndësishme dhe për mua që t’i inkurajon të gjithë që të marrin pjesë në këtë program.
Këtë vit do jenë 25 të parët e asaj pune që do të bëhet për të fuqizuar një administratë publike në të gjitha nivelet e saj. 75% e legjislacionit evropian do vihet në zbatim nga qeverisja vendore. Duhet të arrijmë në të gjitha nivelet e administratës dhe asaj vendore. Për ne ky është investim spektakolar.
Shqipëria do bëhet shtet anëtar sa më shpejt të jetë e mundur.
Deri në 6 qershor aplikoni që të kuptoni rëndësinë e punës që do bëni në vendet anëtare të BE-së”, theksoi ajo.
p.k\dita
