Raporti i Gallup për vitin 2025, ka bërë me dije se 39% e shqiptarëve vuajnë nga stresi i punës. Gjithashtu në raport me vendet e tjera, Shqipëria renditet e treta në Ballkan.
Vendin e parë e kryeson Greqia me 61%, e cila ndiqet nga Sllovenia me 40%. Kosova paraqitet me një nivel më të ulët se Shqipëria, pasi raporti vëren se 32% e punonjësve shprehen të shqetësuar, jo të stresuar.
Sipas raportit, 39% e shqiptarëve janë të stresuar për shkak të punës. Krahas stresit të cilin e përjetojnë në vendin e punës, shqiptarët ndihen nervozë dhe gati për të gjetur një punë tjetër, e cila do u shkaktonte më pak stres dhe nervozizëm. Në lidhje me këtë, 63% u shprehën se është periudhë e mirë për të gjetur punë tjetër.
Por cilët janë punëtorët evropianë që e menaxhojnë më mirë stresin?
Vendet e Europës, punëtorët e të cilëve shfaqin më shumë stres në punë janë Greqia (61%), Malta (57%), Qipro (56%), Italia(51%) dhe Spanja (47%).
Më pak të stresuar në vendin e punës janë danezët (19%), polakët (22%) dhe lituanezët (23%). Raporti vërën se profili i punonjësit më të stresuar është ai i shefit nën 35 vjeç dhe ai i atyre që punojnë në kushte pune hibride.
j.l./ dita
