Nga Tritan Kalo
25.11.2024……Ditë të Hënë e javë sa më të mbarë miq, të afërm, dashamirës dhe bashkëkombas kudo që jeni në dhe larg Trojeve Arbërore….
Përdorimi jo i kujdesshëm për pasojë edhe rritja e rezistencës së mikroorganizmave ndaj Antibakterialëve/Antibiotikëve, ka qënë dhe mbetet një shqetsim i imi i kurdokohshëm…..
INFORMIMI/DIJEDHËNIA mbetet një detyrë thelbësore për çdo Mantelbardhë….
ANTIBAKTERIALËT/ANTIBIOTIKËT janë një pasuri thelbësore e Njerzimit, në betejat e tij ndaj infeksioneve të ndryshme bakteriore komunitare ose intraspitalore….
Përdorimi vënd e pa vënd i Antibakterialëve/. Antibiotikëve po rrit progresivisht frikshëm, shkallën e rezistencës së mikroorganizmave ndaj efikasitetit të tyre….
Kemi në duart tona si profesionistë të dhënies së Përkujdesit Shëndetsor një thesar të Njerëzimit, që i shërben së tashmes dhe së ardhmes sonë ….
Antibakterialët/Antibiotikët nuk janë antipiretikë, pra ato nuk mundet të përdoren thjesht nëse individi i sëmurë ka një rritje të temperaturës…..
Antibakterialët/Antibiotikët nuk janë të efektëshëm ndaj infeksioneve me origjinë virale…..
Po afron Vjeshta e thellë dhe Dimri kur infeksionet viralë stinore përfshirë edhe Gripin do të shumëgëlojnë….
Për rikujtesë: infeksionet e grykës (faringitet, tonsilitet/bajamet) në rreth 70% të tyre kanë origjinë virale, trakeitet e bronshitet në shumicën e tyre janë po ashtu me origjinë virale.
Gripi dhe Sars-Cov2/Covid-19 ishin, janë dhe do mbeten infeksione të mirfillta virale….
Përdorimi i Antibakterialëvë/Antibiotikëve në të sëmurët e prekur nga një infeksion i një natyre të tillë, kufizohet vetëm kur ka indicie të qarta të një mbivendosje bakteriale….
Është DETYRË PARËSORE IMINENTE e stafit pedagogjik (“Akademikëve” sikundër ata/ato parapëlqejnë të quhen), që t’u japin dije solide studentëve të Universitetit Mjeksor dhe të të gjitha Universiteteve ku “edukohen e formohen Mjekët e ardhshëm”, si dhe të specializantëve të tyre në çdo specialitet sidomos Infektologëve të ardhshëm në lidhje jo vetëm me njohjen e duhur, por edhe me përdorimin adekuat të Antibakterialëve/Antibiotikëve….
Pas rikthimit nga Franca më fillimvitin 1993, këmbëngula dhe përfshimë në kurrikulën e 36 leksioneve që kishte të planifikuara Lënda e Sëmundjeve Infektive, edhe leksionin mbi “Antibiotikët dhe antibiorezistencën”, të cilin pata kënaqësinë tua ofroja studentëve të asaj kohe….
TË MOS NËNVLERËSOJMË po ashtu FAKTIN se Antibakterialët/Antibiotikët përdoren gjërësisht në rritjen dhe në mbarështrimin e shpendëve, të gjellëve dhe të bagtive të imta, nga e kanë origjinën edhe një numër jo i vogël i bakterieve multirezistencë sëmundjeshkaktuese në organizmat humanë, ndaj vëmëndja në mirëadministrimin e Antibakterialëve/Antibiotikëve duhet drejtuar edhe në këtë sektor jetik për ekonominë tonë….
RENDJA jo rëndomtë pas përftimeve financiare nga aradha e mjekëve si në përshkrimin e Antibakterialëve/Antibiotikëve të gjeneratave të fundit, po ashtu edhe në kombinime “financiarisht rënduese për të sëmurin dhe jo shpesh dobiprurëse”, është një dukuri mjaft njolluese e MANTELBARDHËSISË…..
Together forever and ever🙏🍀🤝🙋🇦🇱
