Gazetari Artan Hoxha ka deklaruar në lidhje me ngjarjen e Vaut të Dejës se në këtë zonë gjithmonë gjatë zgjedhjeve përplasja mes palëve ka qenë e ashpër.
Hoxha theksoi se në vitin 2015, në këtë bashki periferike është shënuar dhe çmimi më i lartë i blerjes së një vote.
“Vau i Dejës do të jetë një zonë e nxehte, unë e kam ndjekur dhe në 2015-ën. I ka ndodhur dhe shefit të shtabit, përplasja mes dy palëve është shumë e fortë.
Në gjithë qarkun, Vau i Dejës është një pikë ku përplasen fort lobingje të cilat kanë ndikim në zonë. Në 2015-ën Vau i Dejës ka qenë zona ku është përdorur çmimi më i lartë për të blerë votën, 250 mijë lekë të vjetra
Ky lloj atentati paralajmërues, me pamje vizive, me tronditjen që shkakton i ka pasojat më të rënda në fakt në opinionin publik se vetë eliminimi fizik. Së dyti, sasia e eksplozivit nuk ka dalë ende nga ekspertët xhenierë se unë jam interesuar para se të vij…
Kjo ngjarje duhet hetuar menjëherë, për të hequr këto spekulimet e tjera ose betejën politike”, tha gazetari investigativ Artan Hoxha.
m.b./dita
