Gjykata e Posaçme e Apelit ka lënë në fuqi vendimin e masës arrest me burg për ish-kryebashkiakun e Bulqizës Lefter Alla.
Avokati i ish-kryebashkiakut në një deklaratë për mediat tha se vendimi është në kundërshtim me Kushtetutën dhe se do bëjnë rekurs në Gjykatën e Lartë. Ai u shpreh se Lefter Alla ka qenë në gjende të rënduar shëndetësore.
Ish-kryebashkiaku i Bulqizës kërkoi një masë më të butë sigurie se ajo e arrestit me burg.
Alla nuk u paraqit në seancë por përfaqësohej nga avokati i tij, pasi bëhet me dije se ai ndodhet në spitalin e burgut për shkak të problemeve shëndetësore.
Alla akuzohet për shpërdorim detyre dhe shkelje të barazisë në tender lidhur me tenderin me vlerë afro 3 mln euro për projektin e kanalizimeve dhe ujësjellësit në lagjen e vjetër të Bulqizës.
o.j/dita