Henrik Ligori, avokati i ish-zv.kryeministrit Arben Ahmetaj iu përgjigj interesimit të mediave lidhur me vendndodhjen aktuale të Ahmetajt.
Avokati i Ahmetajt, Henrik Ligori, zbuloi se ish-zëvendëskryeministri ndodhet në territorin shqiptar dhe ditën e nesërme do do jetë nesër në Këshillin e Mandateve dhe Imuniteteve.
SPAK i është drejtuar me një kërkesë zyrtare Kuvendit të Republikës së Shqipërisë, ku i kërkon autorizim për arrestimin e ish-zëvendëskryeministrit Arben Ahmetaj.
Shkresa e Prokurorisë së Posaçme ka mbërritur në ambientet e Kuvendit në datën 7 korrik, ditën e premte, por është bërë publike vetëm të hënën.
Ndërkohë në media ka qarkulluar lajmi se Ahmetaj nuk ndodhet brenda territorit të Shqipërisë, gjë që është mohuar nga avokati i këtij të fundit.
