Në një intervistë të fundit të podkastit “N’xhiro me Syçin”, analisti Arlind Qori ka ofruar një kritikë të ashpër ndaj Sali Berishës dhe ndikimeve të jashtme, duke theksuar se ish-kryeministri shqiptar përdor figura si George Soros për të mbuluar mangësitë e politikës së tij.
“Sali Berisha është një njeri që përdor ‘dorën e largët’ për të justifikuar gabimet dhe dështimet e tij”, tha Qori.
Përsa i përket ndikimit të Sorosit në Shqipëri, Qori e cilësoi atë si një oligark të fuqishëm, por që “ndikimi i tij nuk është gjithmonë në favor të interesit të përgjithshëm”. Ai gjithashtu kritikoi heshtjen e Berishës për disa çështje të rëndësishme, duke e akuzuar për përdorim të politikave që shërbejnë vetëm për interesat e ngushta të pushtetit.
“Politikanët tanë duhet të pranojnë përgjegjësitë dhe të mos fshehin pas ndikimeve të jashtme,” përfundoi Qori, duke u bërë thirrje për një analizë më të thellë dhe transparente të situatës politike në Shqipëri.
