Përgjegjësia për korrupsionin e zyrtarëve të lartë dhe jo vetëm në Ministrinë e Shëndetësisë është përgjegjësi individuale dhe jo institucionale. Ky është qëndrimi që ka mbajtur në foltoren e Kuvendit, ministrja e Shëndetësisë dhe Mbrojtjes Sociale, Ogerta Manastirli, për arrestimet me urdhër të SPAK në institucionin që ajo drejton.
Joana Duro, sekretare e Përgjithshme në Ministrinë e Shëndetësisë, nën akuzë për korrupsion, sipas Manastirliut duhet të përballet me ligjin, ndërsa institucioni distancohet nga ky rast.
“Si institucion distancohemi plotësisht. Është qëndrimi që kemi patur dhe do kemi gjithmonë për çdo rast të abuzimit të ligjit, abuzimit me detyrën apo shpërdorimit të saj. Cilido që shkel këto parime duhet të përballet me pasojat që parashikon ligji. Është një ngjarje e trishtë dhe e rëndë, rasti duhet të hetohet deri në fund dhe më nëse del ashtu siç dyshimet janë, të përballet me pasojat e ligjit. Përgjegjësia është individuale dhe veprimet e askujt nuk mund të baltosin punën e një institucioni. Për këtë bëmë reformën në drejtësi. Të gjithë të barabartë përpara ligjit, ky është qëndrimi im”, deklaroi Manastirliu.
Ministrja e Shëndetësisë thekson se raste të tilla nuk mund të baltosin punën e kujtdo që i shërben detyrës në këtë institucion. Mw tej, Manastirliu nënvizon se të tilla raste janë dhe fryt i drejtësisë së pavarur që vërteton se të gjithë janë të barabartë para ligjit falë reformës në drejtësi.
p.k\dita
