I pyetur gjatë një interviste televizive, për arrestimin e kryebashkiakut socialist të Bulqizës Lefter Alla, kreu i grupit parlamentar të PS Taulant Balla u shpreh se kryebashkiakët e korruptuar i shpëtuan filtrave të partisë. Balla tha se megjithëse u miratua ligji i dekriminalizimit, dhe është ngritur një rrjet, sërish ka patur depërtime.
“Kur ne kemi votuar ligjin e dekriminalizmit kemi pranuar se hapat tona verifikues nuk janë të tilla që ti mund të kuptosh që me jetën e tyre private të kenë pasur probleme të këtij niveli…
PS dhe unë…këtu nuk kam turp të kërkoj falje që një person ka arritur të depërtojë këto filtra, kemi ngritur një rrjet që edhe kur arrijnë ta depërtojnë…kemi një legjislacion shumë të fortë, kjo nuk ndodh vetëm në Shqipëri por edhe në vende të tjera, të verifikohet a ka vullnet politik kjo parti që t’i identifikojë dhe t’i heqë nga vetja.
Unë e kam njohur shumë mirë kreun e bashkisë së Bulqizës, ka qenë i mirë, por këtë gjënë, ai zotëria duhet të përballet me drejtësinë. Në të gjitha demokracitë e konsoliduara ndodh kjo gjë”, tha Balla.
m.b./dita
