Florida, SHBA – Thomas Markle Sr., babai i dukeshës së Sussex, Meghan Markle, është arrestuar të premten në Florida nga agjentët federalë të Byrosë Federale të Hetimeve (FBI), nën akuzën e zotërimit të materialeve të abuzimit seksual me fëmijë (CSAM).
82-vjeçari u ndalua pasi autoritetet federale zhvilluan kontrolle në dy njësi magazinimi (storage units) në zonën e Los Anxhelosit, të cilat ishin marrë me qira prej vitesh nga ai. Sipas Departamentit Amerikan të Drejtësisë dhe zyrtarëve të FBI-së, gjatë kontrolleve u sekuestruan rreth 78 artikuj, përfshirë sllajde, negative filmash dhe libra që përmbanin materiale të dyshimta të abuzimit seksual me të mitur.
Prokurorët federalë bënë të ditur se padia penale përfshin akuza për zotërim të imazheve seksualisht eksplicite ku shfaqet vetë i pandehuri me vajza të mitura. Nëse dënohet, Thomas Markle rrezikon deri në 20 vjet burgim federal.
Reagimet dhe prapaskenat e çështjes
Çështja ka tronditur opinionin publik dhe ka sjellë në vëmendje marrëdhënien e tensionuar dhe të ndërprerë prej vitesh mes Thomas Markle dhe vajzës së tij, Meghan. Hetimet kishin marrë dhenë pasi familjarë dhe autoritetet ndërkombëtare kishin nisur verifikimet mbi prova dhe sende të lidhura me të, duke përfshirë edhe materiale të zbuluara më parë në Filipine.
Nga ana e saj, Meghan Markle deklaroi përmes një njoftimi se ndihet thellësisht e tronditur dhe e shqetësuar nga këto zhvillime, duke kujtuar se ajo kishte marrë informacione nga autoritetet britanike vite më parë dhe se kishte ndërprerë çdo kontakt me të.
Pas paraqitjes së tij të parë para gjykatës federale në Florida, çështja pritet të kalojë në fazat e tjera gjyqësore, përfshirë vlerësimet shëndetësore dhe procedurat për ekstradimin e tij drejt Kalifornisë, ku janë ngritur zyrtarisht akuzat.
m.a. / dita
