Presidenti i SHBA-së, Donald Trump, njoftoi se do të takohet me Volodymyr Zelenskyn në Davos të Zvicrës, sot, të enjten. Kështu, presidenti ukrainas duket se më në fund do të udhëtojë për në Zvicër për të takuar Donald Trump, disa ditë pasi njoftoi se nuk do të merrte pjesë në Forumin Ekonomik Botëror në Davos.
Megjithatë, Kievi ende nuk e ka konfirmuar takimin. Kujtohet se të mërkurën, Trump njoftoi se do të takohej me Zelenskyn më vonë atë ditë, megjithëse presidenti ukrainas nuk ishte në të njëjtin vend. Sipas CNN, zyrtarët amerikanë sqaruan më vonë se kishte një gabim në njoftim, takimi është me të vërtetë i planifikuar, por do të zhvillohet të enjten.
Duke folur në Forumin Ekonomik Botëror në Davos, Trump tha se ata ishin në një pikë të arsyeshme”për të arritur një marrëveshje që do t’i jepte fund luftës midis Rusisë dhe Ukrainës. “Unë besoj se tani ata mund të bashkohen dhe të arrijnë një marrëveshje. Dhe nëse nuk e bëjnë, janë budallenj”, tha ai, duke iu referuar udhëheqësve të Rusisë dhe Ukrainës.
Delegacionet nga të dy vendet kanë zhvilluar takime këtë javë në qytetin turistik zviceran. Kryenegociatori i Ukrainës, Rustem Umerov, tha se u takua me të dërguarit e SHBA-së Steve Witkoff dhe Jared Kushner, me diskutime që u përqendruan në garancitë e sigurisë për Ukrainën dhe një plan rindërtimi pas luftës.
j.l./ dita
