Kryeministri Edi Rama ka ironizuar opozitën gjatë një takimi me pensionistët në Durrës, ku u shpreh se “më keq se janë s’kanë ku shkojnë”.
“Pensionet nuk janë si puna e rrogave, që kërkojnë rritje, janë tek kontributi, por e shpjegojnë ndryshe ata që kanë bërë ’97”, tha një nga qytetarët e pranishëm në takim.
Por, kreu i qeverisë i ndërpreu fjalën të moshuarit duke iu drejtuar “a të lutem, është kohë e bukur me diell, ç’na duhen ata”.
“Nga kjo përfitojnë ata zoti Kryeministër se jemi të butë”, iu drejtua qytetari.
Ndërsa rama shtoi: “Ranë në gropën që i bënë vetes, nuk ia kemi bërë ne”.
Diskutimi mes tyre:
Qytetari: Pensionet nuk janë si puna e rrogave, që kërkojnë rritje, janë tek kontributi, por e shpjegojnë ndryshe ata që kanë bërë ’97 dhe …
Edi Rama: A të lutem, se është kohë e bukur me diell, ç’na duhen ne ata, lëri tani
Qytetari: Po atyre çfarë u duhet me ne?
Edi Rama: Lërë…
Qytetari: Nga kjo përfitojnë ata zoti Kryeministër se jemi të butë
Edi Rama: Shiko të lutem se kemi ardhur për pensionet, butësia dhe durimi janë virtyt. Do të flasim për pensionet? Lëri ata të ‘;97 Më keq se janë s’kanë ku shkojnë.
Qytetari: Më zi se janë.
Edi Rama: Pse ua.. lëri tani, janë në gropën që i kanë bërë vetes, nuk ia kemi bërë ne. Lëri tani, kohë e bukur.
j.l./ dita
