Gjykata e Elbasanit ka ndryshuar masën e sigurisë, nga ‘arrest me burg me një muaj’, në ‘burg pa afat’ për Arsen Preçin, mikun e Erjon Alibej, i cili dyshohert se do kryente atentatin ndaj “Otit të Elbasanit”, pak javë më parë. E gjithë ngjarja arriti të zbardhej me anë të ADN-së të një bishti cigareje, të gjetur brenda makinës luksoze “BMW X6” me tre kallashnikovë, që u gjet pas dështimit të atentatit ndaj Elton Kilës (Oti i Elbasanit). Bashkë me të u kap edhe Arben Spahiu, po në izolim, që rezulton vëllai i Arjan Spahiut (Arjanit të vogël), që u vra në Belgjikë disa vjet më parë. Nga përgjigja, Arsen Preçi ka përputhshmëri të plotë me ADN-në e gjetur nga bishti i cigares së rënë në makinën e përdorur për këtë atentat. Kjo ka bërë që Gjykata e Elbasanit të ndryshoje masën e sigurisë ndaj Preçit, nga “arrest me burg për 1 muaj”, në “arrest me burg”. Të dy kanë mohuar përfshirjen në krim, kurse hetuesit dyshojnë në pistën e hakmarrjes e larjes së hesapeve mes grupeve. Arben Spahiu rezulton kunati i Alibejt dhe në armiqësi me grupin e Talo Çelës në Elbasan dhe “Oti” akuzohet se e ka ndihmuar këtë të fundit.
Atentati i dështuar ndaj “Otit të Elbasanit”, mbetet në burg Preçi, iu gjet ADN në bishtin e cigares
