Janë zbardhur të tjera detaje nga atentati i dështuar në Elbasan, ku ranë në pranga dy shtetas, Arben Spahiu dhe Arsen Preçi.
Kujtojmë që policia e Elbasanit gjeti në automjetin “BMW X6”, 3 armë zjarri kallashnikovë dhe 2 bidona me lëndë djegëse.
Makina u gjet e braktisur në zonën e quajtur “Ish-konservimi” pranë stadiumit “Elbasan Arena”.
Pak ditë nga kjo ngjarje, dy të arrestuarit kanë mbajtur një deklarim mohues përballë këtyre fakteve.
Arben Spahiu ka deklaruar se nuk ka dijeni për mjetin, ndërsa për dokumentat greke të falsifikuara me foton e tij, ka thënë se mund të jenë bërë nga dikuh që ka dashur t’i bëjë keq.
“Nuk e di kush e ka bërë këtë. Dokumentet nuk janë të miat”, ka thënë ai, ndërsa dokumentat janë gjetur në çantë në një kosh mbeturinash.
Arben Spahiu dhe Arsen Preçi, dy të arrestuarit për atentatin e dështuar që deri më tani supozohet se ka patur si shënjestër Elton Kilën, i njohur edhe si “Oti i Kilës”, kanë mohuar çdo përfshirje të mundshme me ngjarjen.
Në dëshminë e tyre në Polici, Spahiu dhe Preçi kanë thënë se nuk kanë dijeni për makinën. Spahiu, kunat i të penduarit të drejtësisë, Erion Alibej ka thënë se dokumentet e identifikimit që u gjetën në automjet, nuk i përkasin.
“Nuk kemi dijeni për mjetin BMW ku u gjetën armët”, tha ai.
Hetimi vazhdon dhe nëse grupi hetimor arrin të grumbullojë prova se dy të arrestuarit kanë lidhje me Erion Alibejn se se kishin në plan të bënin një atentat, atëherë çështja do ti kalojë për shqyrtim SPAK.
j.l./ dita
