Në kuadër të operacionit policor të koduar “Abu Dabi” është kapur në Emiratet e Bashkuara Arabe dhe arrestuar me qëllim ekstradimi drejt Shqipërisë, i të kërkuarit të drejtësisë, 39-vjeçari Amar (Dritan) Shkëmbi, pjesëtar i një grupi kriminal.
GJKKO i ka caktuar 39-vjeçarit masën e sigurisë “Arrest në burg”, për veprat penale “Vrasja e funksionarëve publikë”, mbetur në tentativë, “Vrasja në rrethana cilesuese”, “Mbajtja pa leje dhe prodhimi i armëve luftarake dhe i municionit, “Grup i strukturuar kriminal” dhe “Kryerja e veprave penale nga grupi i strukturuar krininal”.
Arrestimi i tij lidhet me ngjarjen e vitit 2019, ku në autostradën Durrës-Tiranë, pranë mbikalimit të Shkozetit, është tentuar të vritet me armë zjarri ish-prokurori Prokurorisë së Rrethit Gjyqësor Durrës, Arjan Ndoj i i cili qarkullonte me automjet, së bashku me 2 persona të tjerë. Si pasojë e të shtënave është plagosur rëndë dhe ka ndërruar jetë në spital shoferi i prokurorit Andi Maloku dhe ka mbetur i plagosur ish-prokurori Arjan Ndoj.
o.j/dita