Reagimi i Drejtorisë së Burgjeve, solli sot menjëherë një kundëreagim të avokatit Idajet Beqiri, për deklaratën e tij se Izet Haxhinë tentuan ta helmonin në qeli. Në “Report Tv”, avokati Idajet Beqiri ka zbuluar komunikimin me Izet Haxhinë dhe arsyen që e çuan të dyshojnë se kanë dashur ta helmojnë.
“Jam njoftuar nga motra, e cila ishte shumë e shqetësuar. Më tha që kishin shkuar në dhomën e izolimit dhe i kishin çuar një paketë me ilaçe dhe vitamina që t’i kanë sjellë të familjes dhe ai është stepur dhe marrëdhëniet Izeti i mban vetëm me motrën e tij dhe për çdo gjë. Fakti që motra nuk i kishte nisur ilaçe, ai u shqetësua dhe telefonoi motrën. Më tha “duan të më helmojnë”. Më tha erdhën në mënyrën e çuditshme, nga mënyra se si m’i afruan, si ikën dhe që nuk vinin të më sqaronin, kjo më bëri të isha dyshues. Po e diskriminojnë rëndë në burg”, shpjegoi Beqiri.
