Këtë të hënë, ministrja e Energjetikes dhe Infrastrukturës, Belinda Balluku ka qenë në Maqellarë, ku është takuar me fermerët, të cilët në kohën e eksodit të kosovarëve kanë blerë makina bujqësore të paregjistruara.
Sipas ministres, këto mjete do të targohen dhe regjistrohen, në mënyrë që të përdoren në mënyrë të rregullt nga bujqit., Balluku paralajmëroi se ky është një proces i rëndësishëm që do të shtrihet në shumë zona të vendit.
“Jemi në Maqellarë për një proces shumë të rëndësishëm. Kemi patur një komunitet bujqish dhe përdoruesish të mjeteve bujqësore. Këto mjete që vijnë nga eksodi kosovar kishin mbetur në një regjim hibrid, ilegal, pa qenë asnjëherë të deklaruar dhe regjistruar.
Ky është proces që do zhvillohet kudo. Mjetet marrin vlerë dhe për përdoruesit e mjeteve dhe për drejtorinë e transportit sepse ne kemi arkivat tona.
Në terren janë 250 mjete. Jam 100% e sigurt që kjo do ndodhë dhe në zona të tjera.
Për ne është shumë e rëndësishme që edhe automjetet bujqësore të targohen, të regjistrohen dhe të futen në një legjitimitet të munguar deri më sot me idenë se operojmë nëpër fusha, por ju ecni edhe në rrugë për të kaluar nga njëra parcelë në tjetrën. Kështu që, është bërë një punë e mirë dhe unë besoj që do kthehet në një shembull për t’u ndjekur nga të gjithë”, u shpreh Balluku.
p.k\dita
