Pesë mashtrues bullgarë që talleshin me Departamentin e Punës dhe të Pensioneve teksa grumbulluan 54 milionë paund , përmes skemës më të madhe të përfitimeve nga mashtrimet, në Britani, u burgosën sot për më shumë se 25 vjet.
Banda e Evropës Lindore rrëmbeu 6,000 identitete duke aplikuar për Kredi Universale dhe përdori emrat e fëmijëve që jetonin në Bullgari si pjesë e mashtrimit pesëvjeçar.
Ata ngritën tre ‘fabrika përfitimi’ në të gjithë Londrën duke nxjerrë marrëveshje false qiraje, fletëpagesa të falsifikuara dhe letra të falsifikuara nga pronarët, punëdhënësit dhe mjekët e përgjithshëm për të mashtruar DWP-në.
Grumbullimi i madh i parave të fituara nga ‘rrjeti i tyre kompleks financiar’ u pastruan përmes një numri llogarish, më pas u tërhoqën në para të gatshme – me 750,000 £ në kartëmonedha të gjetura, që mbushnin valixhet që u gjetën në një nga shtëpitë e tyre.
Sot, banda doli përpara një gjyqtari në Gjykatën Wood Green Crown, i cili tha se kryetarja Galina Nikolova, 38 vjeçe, ishte përgjegjëse për të paktën 25 milionë paund të vjedhura nga taksapaguesit në Mbretërinë e Bashkuar.
Ali, Nikolova dhe i dashuri i saj Stoyan Stoyanov, 27 vjeç, së bashku me Tsvetka Todorova, 52 vjeç dhe Patritsia Paneva, 26 vjeç, u arrestuan më 5 maj 2021.
Stojanov kishte një tatuazh të Nikolavës në krahun e tij të djathtë dhe postoi një foto të tij së bashku me një trëndafil të kuq në rrjetet sociale.
Hetuesit e DWP kontrolluan shtëpitë e tyre dhe gjetën çanta pazaresh të mbushura me mallra dizajni, ora Rolex, xhaketa dhe tufa me para.
Gjykatësi David Aaronberg, tha se mashtrimi ishte kryer në një ‘shkallë industriale’.
Ai iu referua ‘mesazheve të dërguara zonjës Paneva, duke përfshirë ato që talleshin me mendjemprehtësinë e DWP-së në përpunimin e pretendimeve mashtruese.
“Kishte gjithashtu fotografi false, ku mashtruesit pretendonin se zotëronin prona të marra me qira. Fotografitë ishin korrigjuar, duke krijuar idenë se ata kishin akses fizik në prona të cilat në realitet nuk i kishin.”
Gjykatësi Aaronberg i tha Nikolovës: “Ju mbani përgjegjësi personale për të paktën 25 milionë funte të grabitura ndaj tatimpaguesve.
“Dënimi që shqiptoj për pikën dy është një deri në tetë vjet burgim”, tha ai.
b.m/dita
