Guvernatori i Bankës së Shqipërisë Gent Sejko ka bërë një përmbledhje të situatës ekonomike në vendit tonë. Sipas tij ka pasur një rritje ekonomike e cila ka mbetur në nivelet e 3.6 përqind, ndërsa inflacioni ka qenë rreth nivelit 2.1 përqind.
“Ne kemi pasur një rritje të kredisë me bazë vjetore në nivelin e 15 për qind dhe brenda kësaj rritje, vetëm kredia në lekë është rritur në nivelin e 20 për qind. Kjo rritje ka qenë e njëtrajtshme si për individët ashtu edhe për bizneset”, tha Gent Sejko.
Ai foli edhe në lidhje me kreditë, për të cilat tha se janë ulur niveli i kredive të këqija.
“Rreziku kryesor që përballet sektori financiar dhe ai bankar është rreziku i kredisë… sikurëse e thash rreziku i kredisë ka qenë i kontrolluar, ka ardhur në rënie sipas analizave, por disa elementë janë për t’u vlerësuar dhe për t’u adresuar dhe këto ishin si objekt i analizës së Këshillit Mbikëqyrës”, tha Sejko.
Guvernatori i Bankës së Shqipërisë njoftoi disa risi të kësaj rregulloreje, pas mbledhjes së Këshillit Mbikëqyrës. Së pari, jo çdokush do të ketë të drejtë të marrë kredi dhe po ashtu, do të kufizohet numri i kredive që do të mund të marrin individët.
“Kjo rregullore do të jetë në drejtim të mbrojtjes së konsumatorëve dhe do të adresohet në disa elementë klonkretë si analiza më e fortë financviaren për konsumatorët, huamarrësit. Gjithashtu, do të ketë një filtrim më të mirë të klientëve që janë huamarrës, duke parandaluar një fashë të caktuar, një aftësi të caktuar ose duke marrë në analizë më mirë gjendjen e tyre financiare”, tha Sejko.
Kreu i Bankës shtoi se pjesë e rregullores do të jetë edhe rishikimi i normave të interesit që aplikojnë institucionet e mikrokredisë.
“Po punojmë duke marrë në analizë normat e interesit dhe komisionet që aplikohen nga insticuionet financiare jobanka, speficifikisht nga mikrofinanva, në drejtim të uljes së tyre. Po analizojmë normën efektive të interesit me kujdes edhe njëherë për të parë efektet e mëtejshme që do të ketë për uljen e normës së interesit për instic e mikrofinancës. BSH po punon edhe në drejtim të rregullimit të mëtejshëm për transparencën për institucioneve të mikrofinancës”, shtoi Sejko.
i.b./dita
