Kryetari i ri i grupit parlamentar në PD, Gazment Bardhi ka mbledhur sot grupin parlamentar te kryesia. Deputetët demokratë, në hyrje të kryesisë kanë bërë thirrje një zëri që partia të bashkohet.
Enkelejd Alibeaj i pyetur nëse mund të rikthehet Basha në drejtimin e PD-së, u shpreh se gjithkush ka të drejtë të që të rikandidojë.
“Kjo parti nuk duhet të jetë në varësi të emrave individuale. Kjo është ajo që kërkohet sot! Çdokush ka të drejtë të rikandidojë. Këtë e vlerëson anëtarësia”, tha Albeaj.
Por deputeti Dashnor Sula thotë se nuk duhet të ketë një rikthim të Bashës në krye të PD-së. Sipas tij nëse duan që të kenë konfliktin e hapur, rikthimi i Bashës do ishte një zgjedhje e gabuar.
“Qëndrimi im ka qenë i prerë. Nuk duhet të ketë rikthim në drejtimin e PD-së. Nëse duam që ta lëmë konfliktin e hapur kjo do të ishte një zgjedhje gabim. Jam krenar që kam mbështetur kandidatin e primareve në Elbasan. Do mbështes çdo kandidat të opozitës. Kemi një përgjegjësi nga i pari tek i fundit. Unë asnjëherë nuk i kam fryrë frymës së përçarjes. Përçarja është fatale për opozitën”, tha Sula.
Ndërsa Saimir Korreshi, tha se do t’i kërkojë Bardhit që të marrë iniciativë për bashkim me Berishën.
“Unë mendoj se ka marrë koston elektorale. Ne presim që të bashkojmë PD-në. Unë me të thënë të drejtën di që shumica e grupit parlamentar do të mblidhet sot. Është turp që ne nuk mblidhemi bashkë. I bëj thirrje Bardhit që të marrë inictivë për bashkim”, tha Korreshi.
Të pranishëm në mbledhje janë:
Gazment Bardhi
Dhurata Cupi
Saimir Korreshi
Arbi Agalliu
Lefter Geshtenja
Dashnor Sula
Enkelejd Alibeaj
Orjola Pampuri
Selaudin Jakupllari
Jorida Tabaku
Zheni Gjergji
Ferdinand Xhaferraj
Qani Xhafa
Bledion Nallbati
j.l./ dita
