Kreu i Partisë Demokatrike zyrtare, Lulzim Basha, në festën e 33 vjetorit të themelimit të kësaj force politike, ndër të tjera tha se PD është e Shqipërisë.
E di që sot shumë qytetarë pyesin: E KUJT ËSHTË PARTIA DEMOKRATIKE?
Partia Demokratike është partia e shoqërisë shqiptare. Është partia e vlerave euro-atlantike është partia e Shqipërisë pluraliste është partia e rinisë europiane shqiptare” tha Basha. Ai shtoi se Partia Demokratike, nuk e ka përfunduar misionin e saj dhe se ky është fundi i teatrit 30-vjeçar të tranzicionit.
Basha po ashtu u ka shtrirë dorën demokratëve të vijnë në PD dhe të japin kontributin e tyre. E di që në këtë përvjetor nuk jemi aty ku do të donim te ishim! E di që në këtë përvjetor nuk i kemi në krah të gjithë! E di që në këtë përvjetor shumë nga njerëzit që punuan dhe kontribuan për partinë, nuk janë këtu me ne.
E di që në këtë përvjetor jemi zhgënjyer nga shumë për të cilët vetëm kemi dhënë këto vite. E di që në këtë përvjetor një pjesë e jona sillet akoma rrugëve, e verbuar nga interesi personal, e frikësuar nga gjykimi i historisë, e trembur nga dora e drejtësisë!
Çdo gjë që bëjmë si parti politike, cdo objektiv që i vendosim vetes, cdo qëllim që duam të realizojmë: është për Shqipërinë dhe për shqiptarët. Është për të mirën e tyre dhe të familjarëve të tyre!
Sot ju themi shqiptarëve se po përfundojmë programin tonë që ta clirojmë dhe ta forcojmë ekonominë tone që t’ju japim më shumë mundësi për punësim.
Në këto 33 vite, ne kemi arritur shumë por kemi bërë edhe shumë gabime. Ne kemi pësuar shumë, por edhe kemi mësuar shumë!
p.c. / dita
