“Bashkë fitojmë”, kështu quhet koalicioni mes grupimit të Sali Berishës dhe Partia e Lirisë e kryesuar nga Ilir Meta. Dokumentacioni u dorëzua mbrëmjen e së mërkurës në KQZ, për regjistrimin e koalicionit në zgjedhjet lokale të 14 majit.
Ndërkaq, dokumentacionin do ta dorëzojnë edhe dy partitë e tjera opozitare, Partia Demokristiane (PDK) dhe Partia Bashkimi për të Drejtat e Njeriut (PBDNJ).
Më herët gjatë ditës së sotme, Berisha është shprehur se koalicioni për zgjedhjet e 14 majit do të përfshijë shumë parti, ndërsa shtoi se do të merret për bazë rekordi elektoral.
m.b./dita
