Nënshkrimi i një marrëveshjeje bashkëpunimi në fushën e bujqësisë është synimi i radhës ndërmjet Shqipërisë dhe Egjiptit.
Lajmin e ka bërë të ditur në rrjetin social Facebook, vetë ministrja e Bujqësisë dhe Zhvillimit Rural Frida Krifca.
Ajo është takuar në Romë me ministrin e Furnizimit dhe Tregtisë së Brendshme në Egjipt, Ali Al-Moselhi.
Ministrja Krifca i ka shprehur ministrit egjiptian interesin për të zgjeruar eksportet bujqësore shqiptare, e posaçërisht drufrutorëve, drejt tregut egjiptian, por dhe më gjerë.
Më tej, ministrja Krifca bën të ditur se të dy vendet po punojnë bashkarisht që së shpejti të nënshkruajnë një marrëveshje bashkëpunimi, e cila do të lehtësojë shkëmbimet tregtare bujqësore mes tyre.
p.k\dita
