Dje më datën 5 Dhjetor në Kishën e Shën Nikollës në qytetin e Kavajës, kryetari i bashkisë Fisnik Qose nderoi me titullin: “Qytetar nderi” Ikonom Stavrofor At Petro Thanasin.
Kryebashkiaku dhe besimtarët e qytetit të Kavajes kanë shprehur nëpërmjet titullit vlerësimin e lartë për shërbimin e At. Petro Thanasit.
Pjesëmarrësit theksuan se ky është një kontribut i jashtëzakonshëm dhe i palodhur për qytetin e Kavajës.
Nëpërmjet udhëheqjes shpirtërore, që prej vitit 1997 e deri më sot, Ikonom Stavrofor At Petro Thanasi ka promovuar harmoninë fetare, sjellje kjo që ka reflektuar pozitivisht në jetën sociale dhe intelektuale të qytetit.
n.s. / dita
