Bayern i zhgënjeu të gjithë mbrëmjen e sotme, teksa fitorja në fundjavë 4-2 ndaj Dortmund në kampionat u duk si ‘flakë kashte’. Thomas Tuchel merr goditjen e parë të rëndë si trajner i Bayernit. Skuara bavareze pësoi një disfatë të papritur 2-1 përballë Frieburgut në çerekfinale të Kupës së Gjermanisë. Edhe pse kampionët e Gjermanisë shënuan të parët, Frieburgu jo vetëm që e barazoi rezultatin, por në limitet e kohës shtesë realizoi golin e fitores, që shtangu pjesën dërrmuese të tifozëve në “Allianz Stadium”.
Sfida ishte e vlefshme për një biletë në gjysmëfinale të Kupës së Gjermanisë. Bavarezët shënuan të parët me Upmecanon në minutën e 19-të, pasi një harkimi të kalibruar të Joshua Kimmich.
U duk sikur liderët e Bundesligës do ta zgjidhnin shpejt çështjen e kualifikimit, por në të 27-tën Hofler lëshoi një predhë nga një distancë e largët, e cila befasoi portierin Sommer. Befasia ndodhi në sekondat e fundit të kohës shtesë, me Holer që shndërroi në gol një 11-metërsh.