Kryeministri Edi Rama deklaroi se Evropa 2030 nuk është shpresë për Shqipërinë, por një destinacion.
Kreu i qeverisë në një takim me sipërmarrës dhe ekspertë ndërkombëtarë tha se “BE duhet të mbajë premtimin”.
Sipas tij “anëtarësimi në 2030 është i mundshëm dhe nuk jemi këtu për të pritur për Evropën, por ta ndërtojmë Evropën këtu”.
“Evropa 2030 nuk është shpresë për ne, por destinacion. Busulla është e qartë drejt BE. Negociatat janë të hapur, kapitujet po ecin përpara. Objektivi ynë është realisht dhe i arritshëm, me një kusht që Evropa të mbajë premtimin dhe që sëbashku ne ti përmbahemi kalanderit për të cilën jemi marrë vesh.
Anëtarësimi në 2030 është i mundshëm dhe nuk jemi këtu për të pritur për Evropën, por ta ndërtojmë Evropën këtu.
Ne jemi kaq të zellshëm për të ndjekur këtë rrugëtim drejt Evropës. Evropa nënkupton institucione dhe standarde. Shqipëria nuk ka qenë kurrë më afër”, tha nder te tjera Rama.
Po ashtu Rama thotë se revolucioni dixhital ka ndryshuar mënyrën si qeveriset dhe mënyrën si po operon biznesin.
“Shumë shpejt ne do të hedhim një asistencë më të mirë dixhitale në platformën tonë dixhitale. Nuk do të ketë më nevojë për dyer të mbyllura dhe dokumente, por do ketë nevojë vetëm për një kërkesë dhe për një përgjigje. Do të ketë më shumë transparencë për bizneset dhe më pak mundësi për ryshfete”, u shpreh kryeministri Rama.
j.l./ dita
