Presidenti Bajram Begaj po zhvillon një vizitë zyrtare në Azerbajxhan ku është takuar me homologun e tij azer, Ilham Aliyev. Vizita e presidentit Begaj në Baku lidhet me punimet e “Global Baku Forum”. Në takimin me presidentin e Azerbajxhanit, u diskutua për çështjet e energjisë dhe rajonit.
“Bisedimet tona u fokusuan tek çështjet e energjisë dhe rajoni, si dhe tek mundësitë për thellimin e mëtejshëm të marrëdhënieve dy palëshe, veçanërisht në fushën e ekonomisë dhe turizmit”, njoftoi Begaj.
Më tej Begaj thotë se ka shprehur “besimin se fryma e bashkëpunimit dhe e mirëkuptimit që ekziston midis Shqipërisë dhe Azerbajxhanit do të çojë përpara marrëdhënien mes dy vendeve”.
m.b./dita
