Pasi fshehën emrin e Ilir Metës, tashmë koalicioni “Bashkë Fitojmë” kërkojnë që në fletën e votimit të mos jetë as logoja e partive përbri emrit të kandidatëve.
Në ankimimin e bërë ditën e sotme në KAS, përfaqësuesit e koalicionit të Berishës dhe Metës sjellim 3 arsye për këtë kërkesë.
“Së pari jemi përpara zgjedhjeve të pushtetit vendor, ku qytetarët shqiptar do të zgjedhin kryetarin e tyre të bashkisë respective dhe jo kryetarin e ndonjë partie politike. Së dyti, nuk jemi përpara zgjedhjeve të përgjithshme ku kandidatët identifikohen kryesisht me partinë apo koalicionin që i ka propozuar me listë shumë emërore. Së treti, praktika e KQZ për zgjedhjet e kaluara për fletën e votimit për kandidatët për kryetar Bashkie ka qenë e tillë që nuk ka pasur logo partie apo koalicioni”, thuhet në dokument.
Sipas tyre, kryekomisioneri nuk e ka marrë parasysh këtë propozim, për pasojë kanë vendosur që t’i drejtohen KAS.
Duket se me këtë hap të radhës, Sali Berisha kërkon zhdukjen e logos së Partisë Demokratike në fletën e votimit. Kjo për arsye se votuesit priren që të identifikojnë logon dhe votat për shkojnë për PD e jo koalicionin e tij me Ilir Metën. Më herët, në vazhdën e këtij qëllimi, ato fshehën nga fleta e votimit emrin e Ilir Metës.
(Kliko këtu për të parë dokumentin e plotë)
o.j/dita
