Sali Berisha nga Vora ku prezantoi kandidatin e koalicionit “Bashkë Fitojmë”, Indrit Hoxha u ndal në akuzat ndaj kryeministrit Rama, për të cilin tha se ndërton 1 km autostradë në Shqipëri me 24 mln euro, ndërsa që Evropa e ndërton me 2 mln euro. Sipas Berishës, duhet të hiqet parashkrimi për kryeministrin, ministrat dhe drejtuesit e agjencive që kanë të bëjnë me prokurimet, pasi ata vjedhin qytetarët.
Ai paralajmëroi Ramën, se nëse FBI nuk e çon atë tek McGonigal, do ta cojë vetë Berisha aty ku e meriton.
“Një mashtrues i paskrupullt. Nuk mendon ai për njerëzit. Ai mendon për veten për të kënaqur sytë e tij me vazo 4 mln euro në oborrin e kryeministrisë, për avion me dhomë gjumi, se e ka sulltani Erdogan ta ketë edhe sulltani i Surrelit. Kemi dërguar në parlament heqjen e parashkimit për KM, për ministrin për drejtuesit e agjencive që kanë të bëjnë me prokurimet. Pse? Sepse ata vjedhin qytetarët, mbushin valixhet me euro, shkojnë degdisen ne Karaibe dhe Oqeani derisa të kalojë koha e parashkrimit dhe kthehen tresin pasuritë e vjedhura. Duke hequr parashkimin për të gjithë ata që kanë firmosur për të vjedhur paratë e qytetarëve ata bëhen të përgjegjshëm para ligjit deri ditën e fundit të jetës së tyre. Në rast se FBI nuk e çon tek McGonigali Edi Ramën, PD dhe Sali Berisha do ta çoje aty ku e meriton. Jo vetëm atë, por edhe bashkëpunëtorët e tij. Ata janë një organizatë kriminale. Nuk kanë të ngopur ata që vjedhin. Nuk dinë të ndalen, i ndalon vetëm vota”, tha Berisha, i cili vetë dhe familjarisht është i sanksionuar për korrupsion nga SHBA dhe Britania e Madhe.
