Sali Berisha riciklon një ndër figurat e djegura në vitin 2019, Zef Hilën i cili u shkarkua nga posti i kryebashkiakut të Vaut të Dejës, pas sulmeve të dhunshme të ndodhura në KZAZ nr 6 në Bushat.
Pasditen e së martës, Berisha prezantoi Hilën për Bashkinë Vau Dejës, në zgjedhjet e 14 majit, duke u shprehur se ai do të dorëzojë mandatin e deputetit, për të kthyer bashkinë, sipas Berishës, në shtëpinë e parë të qytetarëve.
“Unë kam një nder të veçantë, kënaqësi të madhe të vij sot për të paraqitur para jush për kryetar të bashkisë së Vaut të Dejës., qytetar të parë të kësaj bashkie, njërin nga qeveritarët lokalë më të aftë, më të shkëlqyer që ka patur dhe ka PD. Njërin nga deputetët e saj më aktivë, avokat i juaj, i interesave tuaja në parlament, i palodhur dhe i pamposhtur.
Unë kam dekada bashkëpunimi me Zef Hilën dhe ajo ç’ka mund të ju them ju, ka qenë dhe është gjithnjë një drejtues, udhëheqës, menaxher, i suksesit, eficent, mbi të gjitha Zef Hila është njeriu që ju do ju, njeriu që zemra, shpirti ju rrah për ju. Njeri që e ndjen veten njërin prej jush dhe të detyruar pafundësisht ndaj jush”.
m.b.dita
