Kuvendi u përfshi në debat lidhur me kohën e vënë në dispozicion për të diskutuar raportet vjetore të 4 instituiconeve të drejtësisë.
Opozita thotë se është reduktuar në maksimum koha e debatit për raportet e Institucioneve te drejtësisë.
Ndërkohë Berisha dhe deputetët e tij vunë në shënjestër nënkryetaren e kuvendit e cila pritet të ketë 4 familjarë të saj në Prokurorinë e Tiranës.
Sali Berisha dhe deputetët të tij i kërkuan Felajt të mos ishte drejtuese e seancës duke e akuzuar se “ka uzurpuar prokurorinë e Tiranës me familjarë të saj”.
Për opozitën ky është shembull i kapjes në një dorë të sistemit të drejtësisë nga ana e maxhorancës.
Në replikë Felaj iu drejtua Luçiano Boçit dhe tha se ndihej krenare për familjarët e saj të cilat janë në detyrë për shkak të arsimimit dhe aftësive të tyre dhe mohoi të ketë pasur ndërhyrje politike në emërime.
“Ta dish ti dhe të gjithë të tjerët, ato tituj nuk na i ka dhënë politika por arsimi. Se magjistrat nuk të bën politika por shkolla, nuk jemi plepista. Nuk jemi nga listat e Sali Berishës kur ishte president. Ulu! Ato çështjet nuk i trajtoni ju. Mos sillni familjarët në sallë. Është e shpifur kultura juaj komuniste. Duhej të largoheshit ju (Sali Berisha) e familja juaj që jeni shpallur non grata për korrupsion masiv. Unë jam krenare për veten time dhe në familjen tonë nuk gjen asgjë të zezë. Ti je krejt i zi, ti dhe familja juaj”, tha Felaj.
j.l./ dita
