Ish-kryeministri Sali Berisha nuk ka pranuar humbjen në 3 bashkitë e para ku është nxjerrë rezultati aty ku u votua elektronikisht. “Janë mediat që kanë paraqitur transformimin e votës në këtë proces. Unë kërkoj nga KQZ që të bëjë autidim të këtyre aparaturave. Kodi Zgjedhor ka parashikime të veta të sakta kur dyshohet në devijim të rezultatit, si mund të trajtohet devijimi, PD do të kërkojë zbatimin e ligjeve, pra aty ku dyshohet se është devijuar rezultatit do bëhet verifikimi dhe auditimi, ky quhet rezultat paraprak”, tha Berisha.
Pas daljes së rezultateve të tre bashkive ku u votua elektronikisht dhe ku PS fitoi thellë, Berisha dhe Meta kanë bërë përgjegjës për humbjen… Endri Hasën: “Thirrje publike KQZ te beje publik raportin e penetration test te bere para 3 ditesh te sistemit te votimit dhe identifikimit elektronik! Sistemi ka rene ne oren 7:30 pa nisur akoma procesi, nderkohe PS ka kerkuar uljen e afatit te pritjes nga 3 ore ne dy dhe vendimi eshte marre nga Celibashi jo ne zbatim te ligjit! Kompania qe ka pasur netëorkun, implementuesi teknik Endri Hasa dhe kompania qe ka bere penetration test do paditen ne SPAK per sabotimin e sistemit”.
Endri Hasa konsiderohet si njeri i Lulzim Bashës, edhe pse në fakt ka punuar në Kryeministri për Sali Berishën. Ndërsa partia e Ilir Metës deklaron nëpërmjet Tedi Blushit: “Mos u habisni nga ‘rezultatet’ e votimit elektronik ku qytetari voton Luçiano Boçin dhe i del Llatja! Operacioni mafioz i Edi Ramës për të demotivuar komisionerët, numëruesit dhe vëzhguesit e opozitës duhet të marrë përgjigjen e merituar! Të mbrojmë dhe numërojmë çdo votë për kandidatët tanë”.
