Sali Berisha ka bërë akuza të forta në drejtim të gjyqtares Irena Gjoka që po gjykon çështjen e tij.
Duke folur nga ballkoni i shtëpisë së tij, ku prej 30 dhjetorit ndodhet në arrest shtëpie, Berisha ka hedhur akuza se gjyqtarja është dëbuar nga një shtet i huaj dhe për pasojë ka përdorur një mbiemër tjetër.
Përpara simpatizantëve që ishin mbledhur poshtë shtëpisë së tij, Berisha pretendon se Irena Gjoka ka përdorur edhe mbiemrin “Spata”. Për këtë i është drejtuar me pyetje publike, e ndërsa nuk i ka kursyer as etiketimet si “hajdute ordinere, e pafytyrë, pamoral”.
“Këtu para jush i kam shtruar një pyetje asaj turp gjykatëses, apo ti themi haptas llum gjykatëses. I kam shtruar një pyetje; a je përzënë ndonjëherë nga ndonjë vend për punëra llumi? Nuk ka kthyer përgjigje. Sonte do ta pyes në emrin tuaj dhe mbarë shqiptarëve, këtë llum gjykatëse; ke përdorur ndonjëherë mbiemrin Spata se të është dashur. Irena Spata e ke quajtur ndonjëherë veten ti? Nuk ke turp ti moj, ti je një hajdute ordinere, e pafytyrë, pa pamoral, pa asgjë, që mbahesh aty si skllave e krimeve tua. Sonte i them këto në emër të betejës tuaj të përnatshme”, akuzoi Berisha.
Në fakt Berishës pak i intereson “beteja e përnatshme” e atyre që shkojnë poshtë shtëpisë.
Ai synon të detyrojë cdo gjyqtar jashtë mundësisë për ta ndikuar të mos merret me dosjen e tij.
Do vazhdojë derisa çështjen ta marrë në dorë dikush që është nën kontrollin e tij.
E njejta skeme u ndoq me prokuroren qe liroi Jamarber Malltezin.
